అట్టహాసంగా జగన్ మోహన్ రెడ్డి జన్మదిన వేడుకలు
రాజంపేట, సీఎం జగన్ మోహన్ రెడ్డి 50 వ జన్మదిన వేడుకలు బుధవారం రాజంపేట నియోజకవర్గ వ్యాప్తంగా అభిమానులు, కార్యకర్తలు అట్టహసంగా నిర్వహించారు. ఎమ్మెల్యే మేడా మల్లిఖార్జున రెడ్డి, జెడ్పి చైర్మన్ ఆకేపాటి అమర్ నాథ్ రెడ్డి, మునిసిపల్ చైర్మన్ పోలా శ్రీనివాసులు రెడ్డి ల ఆధ్వర్యంలో వైకాపా నాయకులు బుధవారం అన్నమాచార్య ఇంజనీరింగ్ కళాశాలలో కేకు కోసి సంబరాలు జరుపుకున్నారు. మొక్కలు నాటి అనంతరం మునిసిపల్ కార్యాలయంలో ఏర్పాటు చేసిన మెగా రక్తదాన శిబిరం కార్యక్రమంలో పాల్గొన్నారు. ఈ కార్యక్రమంలో జిల్లా అటవీ శాఖ అధికారి వివేక్, ఆర్డీవో కోదండరామిరెడ్డి, డిఎస్పీ జి.శివభాస్కర్ రెడ్డి తో పాటు పలు శాఖల అధికారులు, వైకాపా నాయకులు, కార్యకర్తలు పాల్గొన్నారు.
Comments