ఆంధ్రప్రదేశ్ ఎడిటర్స్ అండ్ రిపోర్టర్స్ యూనియన్ రాష్ట్ర ఉపాధ్యక్షునిగా బాలినేడి హరిబాబు నియామకం
ఆంధ్రప్రదేశ్ ఎడిటర్స్ అండ్ రిపోర్టర్స్ యూనియన్ (APERU) రాష్ట్ర ఉపాధ్యక్షునిగా డెల్టా టుడే ప్రధాన సంపాదకులు బాలినేడి హరిబాబు నియమితులయ్యారు. పాత్రికేయ సమస్యల పరిష్కారంలో అవగాహన, అంకితభావం కలిగి ఉండటంతో పాటు, అత్యుత్తమమైన జర్నలిజం వృత్తిపై అపార గౌరవం కలిగిన సీనియర్ పాత్రికేయునిగా, సీనియర్ సంపాదకునిగా బాలినేడి హరిబాబు సేవలను గుర్తించిన యూనియన్ అధినాయకత్వం రాష్ట్ర ఉపాధ్యక్ష పదవిలో నియమిస్తూ ఉత్తర్వులను జారీ చేసింది. ఈ మేరకు రాష్ట్ర అధ్యక్షులు చొప్పరపు సాంబశివ నాయుడు నియామక ఉత్తర్వులను హరిబాబుకు అందజేసి, శుభాకాంక్షలు తెలిపారు.
జర్నలిస్టుల మరియు సంపాదకుల సమస్యల పరిష్కారంలో నిష్పక్షపాతంగా, నిస్వార్ధంగా కృషి చేస్తానని, యూనియన్ పట్ల అంకితభావంతో, శ్రద్ధతో పని చేస్తానని ఈ సందర్భంగా బాలినేడి హరిబాబు తెలిపారు. తనకు ఈ అవకాశం కల్పించిన యూనియన్ రాష్ట్ర అధ్యక్షులు చొప్పరపు సాంబశివ నాయుడు కు మరియు కార్యవర్గానికి ధన్యవాదాలు తెలిపారు.
Comments