మద్యం సేవించి వాహనాలు నడపరాదు: మోటార్ వెహికల్ ఇన్స్పెక్టర్

మద్యం సేవించి వాహనాలు నడపరాదు: మోటార్ వెహికల్ ఇన్స్పెక్టర్

ప్రసన్న ఆంధ్ర - రాజంపేట

మద్యం సేవించి వాహనాలను నడిపితే రోడ్డు ప్రమాదాలకు గురవుతారని మోటార్ వెహికల్ ఇన్స్పెక్టర్ వినోద్ కుమార్ అన్నారు. శుక్రవారం బోయినపల్లి జాతీయ రహదారిపై 34వ జాతీయ రోడ్డు భద్రత వారోత్సవాల సందర్భంగా వాహనదారులకు అవగాహన కల్పించి స్టిక్కర్లు అంటించారు. ఈ సందర్భంగా ఆయన మాట్లాడుతూ వాహనాలు నడుపుతున్నప్పుడు చోధకులు జాగ్రత్తలు పాటించాలన్నారు. ద్విచక్ర వాహనదారులు తప్పనిసరిగా హెల్మెట్ ధరించాలన్నారు. ఓవర్ లోడ్తో వాహనాలు నడపరాదన్నారు. ప్రతి ఒక్కరు జాగ్రత్తలు పాటిస్తే రోడ్డు ప్రమాదాలను నివారించవచ్చునని తెలిపారు. ఈ కార్యక్రమంలో మోటార్ వెహికల్ కార్యాలయం సిబ్బంది పాల్గొన్నారు.