రైతులు దేశానికి వెన్నెముక : ఆకేపాటి సుధాకర్ రెడ్డి

రైతులు దేశానికి వెన్నెముక : ఆకేపాటి సుధాకర్ రెడ్డి

సశ్య భారత్ ఉత్సవాలలో శ్రీ చైతన్య విద్యార్థులు

ప్రసన్న ఆంధ్ర -రాజంపేట :

రైతులు దేశానికి వెన్నెముక అని.. వారు లేని ప్రపంచాన్ని ఊహించలేమని శ్రీ చైతన్య పాఠశాల ప్రిన్సిపాల్ ఆకేపాటి సుధాకర్ రెడ్డి అన్నారు. బుధవారం ఆర్.ఎస్ రోడ్డులో గల శ్రీ చైతన్య పాఠశాలలో ఏజీఎం రమణయ్య ఆధ్వర్యంలో సశ్యభారత్ ఉత్సవాలను ఘనంగా నిర్వహించారు. ఈ కార్యక్రమంలో విద్యార్థులు సంప్రదాయ వస్త్రధారణతో అలరించారు. గడ్డి, వరి గింజలు చేతబట్టి రైతుల్లా వేషధారణలతో వ్యవహరించి అలరించారు.

ఈ సందర్భంగా ప్రిన్సిపల్ ఆకేపాటి సుధాకర్ రెడ్డి మాట్లాడుతూ రైతుల ప్రాముఖ్యతను విద్యార్థులకు వివరించారు. వ్యవసాయం యొక్క పారదర్శకతను, విలువలను విద్యార్థులకు క్షుణ్ణంగా తెలియజేశారు. ఈ కార్యక్రమంలో అకడమిక్ డీన్ వెంకటసుబ్బయ్య, సి బ్యాచ్ ఇన్చార్జి శ్రీనివాసులు, వైస్ ప్రిన్సిపల్ అనూష, ప్రైమరీ ఇన్చార్జి కస్తూరి, స్మార్ట్ లివింగ్ ఇన్చార్జి శివ సాయి ఉపాధ్యాయినీ, ఉపాధ్యాయులు పాల్గొన్నారు.