అంగరంగ వైభవంగా శ్రీశ్రీశ్రీ గంగమ్మ తల్లి, పోతురాజుల విగ్రహముల ప్రతిష్ఠా మహోత్సవం

వై.ఎస్.ఆర్ కడప జిల్లా, ప్రొద్దుటూరు, కొత్తపల్లె పంచాయతీ లోని అమృతానగర్ ఆరవ వీధి నందు శ్రీశ్రీశ్రీ గంగమ్మ తల్లి, పోతురాజుల విగ్రహముల ప్రతిష్ఠా మహోత్సవ కార్యక్రమం అంగరంగ వైభవముగా ఆ గ్రామ పెద్దలు ప్రజల సమక్షంలో నేడు జరిగింది. 25వ తేదీ నుండి నేటి వరకు విశిష్ట పూజా కార్యక్రమాల అనంతరం వివిధ ప్రాంతాల నుండి విచ్చేసిన వేద పండితులు ఈ ప్రతిష్ఠా కార్యక్రమాన్ని దిగ్విజయముగా నిర్వహించారు. స్వస్తి శ్రీ ప్లవనామ సంవత్సరం ఫాల్గుణ మాసం దశిమి ఉత్తరాషాఢ నక్షత్ర యుక్త మేఘ లగ్నం శుభ పుష్కరాంశము నందు నేటి ఉదయం 5:00 గంటలకు యంత్ర ప్రతిష్ఠ, విగ్రహ ప్రతిష్ట, శాంతి హోమాలు నిర్వహించి భక్తులకు తీర్ధ ప్రసాదాలు అందించారు. అనంతరం మధ్యాహ్నం భక్తులకు అన్నదాన కార్యక్రమం ఏర్పాటు చేశారు.

ఈ కార్యక్రమానికి అమృతానగర్ నివాసులు, పలు ప్రాంతాల నుండి వచ్చిన భక్తులు విరివిగా పాల్గొని గంగమ్మ తల్లికి, పోతురాజుకు పూజలు నిర్వహించి తీర్ధ ప్రసాదాలు అందుకున్నారు.