ప్రపంచ తెలుగు రచయితల మహాసభలకు ఆహ్వానం అందుకున్న గంగనపల్లి వెంకటరమణ

ప్రపంచ తెలుగు రచయితల మహాసభలకు ఆహ్వానం అందుకున్న గంగనపల్లి వెంకటరమణ

రాజంపేట, ఈ నెల 23, 24 తేదీలు శుక్ర, శనివారాలలో విజయవాడలో జరిగే 5వ ప్రపంచ తెలుగు రచయితల మహాసభలకు రాజంపేటకు చెందిన తెలుగు ఉపాధ్యాయులు గంగనపల్లి వెంకటరమణకు ఆహ్వానం అందినట్లు గంగనపల్లి వెంకటరమణ ఆదివారం ఒక ప్రకటనలో తెలియజేశారు. ఈ మేరకు మహాసభల గౌరవాధ్యక్షులు మండలి బుద్ధ ప్రసాద్, అధ్యక్షులు గుత్తికొండ సుబ్బారావు, ప్రధాన కార్యదర్శి డాక్టర్ జీవీ పూర్ణచందుల నుండి ఆయన ఆహ్వానం అందుకున్నారు. దేశ కాలమాన పరిస్థితులు మారుతున్న ప్రస్తుత తరుణంలో రచయితల పాత్ర... అనే అంశమే లక్ష్యంగా జరుగుతున్న ఈ మహాసభలకు గంగనపల్లి వెంకటరమణ హాజరవుతున్నారు.

స్వభాషను రక్షించుకుందాం... స్వాభిమానం పెంచుకుందాం... అనే నినాదంతో కృష్ణాజిల్లా రచయితల సంఘం, తానా, సిలికానాంధ్ర, సిద్ధార్థ అకాడమీ, తానా ప్రపంచ సాహిత్య వేదికల సారధ్యంలో ఈ ప్రపంచ తెలుగు రచయితల మహాసభలు జరుగుతున్నాయి. విజయవాడ మొగల్రాజపురంలోని పి.బి. సిద్ధార్థ ఆర్ట్స్ కళాశాల రాజరాజ నరేంద్ర సభా ప్రాంగణంలో ఈ వేడుకలు నిర్వహిస్తున్నారు.