హనుమాన్ దళ్ ఆధ్వర్యంలో శ్రీకృష్ణ దేవాలయం ప్రారంభోత్సవం

కాకినాడ జిల్లా గొల్లప్రోలు మండలం ఎ పి మల్లవరం గ్రామంలో హనుమాన్ దళ్ ఆధ్వర్యంలో నూతనంగా నిర్మించిన శ్రీకృష్ణ దేవాలయం ప్రారంభోత్సవం, శ్రీకృష్ణుడు విగ్రహ ప్రతిష్ట మహోత్సవం ఘనంగా జరిగింది.మంత్రోచ్చారణల మధ్య ఎ పి మల్లవరం మరియు పరిసర గ్రామాలకు చెందిన భక్తులు జనసందోహం మధ్య ఘనంగా జరిగింది. వేద పండితులు కృష్ణమాచార్య ఆధ్వర్యంలో నిర్వహించిన ఈ కార్యక్రమంలో హోమం,మహా కుంభ ప్రోక్షణ, ప్రాణప్రతిష్ట వైభవంగా జరిగింది. పలు పూజా కార్యక్రమాలు జరిగాయి.సాంస్కృతిక కార్యక్రమాలు అలరించాయి.

విగ్రహ ప్రతిష్ట అనంతరం భారీ అన్న సంతర్పణ జరిగింది. ఈ కార్యక్రమంలో శ్రీ మురళీకృష్ణ యూత్, హనుమాన్ దళ్ అధ్యక్షులు గణేష్ కన్నా, ఉప అధ్యక్షులు పాలిక రామకృష్ణ, కార్యదర్శి నేమాల వరహాలు, ఎ వి నగరం హరేకృష్ణ ధర్మ రక్షణ సమితి అధ్యక్షులు దుల్ల కృష్ణ, హనుమాన్ దళ్ కార్యకర్తలు, సమితి సభ్యులు, అధిక సంఖ్యలో భక్తులు పాల్గొన్నారు.