ఇంటర్నేషనల్ కరాటే క్రీడాకారులను అభినందించిన వంశీ రెడ్డి

పెదగంట్యాడ (ప్రసన్న ఆంధ్ర ప్రతినిధి)

చిలకలూరిపేటలో జరిగిన ఇంటర్నేషనల్ కరాటేలో గెలుపొందిన క్రీడాకారులను 74 వ వార్డు కార్పొరేటర్ వంశీ రెడ్డి, జోనల్ కమిషనర్ డి. శ్రీధర్ అభినందించారు.

74 వ వార్డు సంఘం పాక వద్ద కాయ్ జిల్లా అధ్యక్షులు కాకినాడ ఈశ్వరరావు ఆధ్వర్యంలో జరిగిన కార్యక్రమంలో క్రీడాకారులను అభినందించారు. ఈ సందర్భంగా వంశీ రెడ్డి మాట్లాడుతూ జాతీయ స్థాయి క్రీడాకారులు 74 వ వార్డు లో ఉండడం గర్వకారణంగా ఉందని వీరిని ఈ విద్యలో తీర్చిదిద్దడానికి తన వంతు సహాయ సహకారాలు అందిస్తానని అన్నారు. ఎంతో కష్టం తో కూడుకున్న ఈ కరాటే ను నేర్పుతున్న తల్లిదండ్రులు ఎంతో అభినందించాలని అన్నారు. జోనల్ కమిషనర్ మాట్లాడుతూ ఇలాంటి క్రీడను నేర్చుకోవడం వల్ల మంచి తెలివితేటలు వస్తాయని రోజూ వ్యాయామం చేయాలని అన్నారు. అనంతరం పిల్లలు చేసిన సాహసకృత్యాలు అందర్నీ అలరించాయి. ఈ సందర్భంగా కరాటే కోచ్ లు కార్పొరేటర్ ను కమిషనర్ ను ఘనంగా సన్మానించారు. ఈ కార్యక్రమంలో కోచ్ నారాయణమూర్తి, బ్రహ్మం, పండురి శివ, శ్రీనివాస రావు మరియు విద్యార్థులు విద్యార్థులు తల్లిదండ్రులు పాల్గొన్నారు.