నెల్లూరు... ఇంట్లో అగ్నిప్రమాదం

నెల్లూరు : నగరంలోని ఆచారి వీధిలోని ఓ ఇంట్లో భారీ అగ్నిప్రమాదం జరిగింది. శుక్రవారం తెల్లవారుజామున 3 గంటల ప్రాంతంలో ఈ ఘటన జరిగింది. అగ్నిప్రమాదానికి గల కారణం ఇంకా స్పష్టంగా తెలియరాలేదు. అయితే ముసుగు ధరించిన ఓ వ్యక్తి చేతిలో పెట్రోలు బాటిల్‌తో వచ్చి ఇంటి మొత్తం తగలబెట్టాడని స్థానికులు చెబుతున్నారు. సమాచారం అందుకున్న అగ్నిమాపక సిబ్బంది రెండు ఘటనా స్థలానికి చేరుకుని మంటలను అదుపులోకి తీసుకొచ్చారు. ఈ ఘటనలో ఓ ఇల్లు పూర్తిగా దగ్ధమైంది.