మట్టి వినాయక విగ్రహాలను పూజిద్దాం పర్యావరణాన్ని పరిరక్షించుకుందాం - పి సుబ్బరాయుడు

కడప జిల్లా, ప్రొద్దుటూరు

మట్టి వినాయక విగ్రహాలను పూజిద్దాం పర్యావరణాన్ని పరిరక్షించుకుందాం అని పశుపుల వెంకటమ్మ చారిటబుల్ ట్రస్ట్ ప్రెసిడెంట్ పి. సుబ్బారాయుడు పిలుపునిచ్చారు. ఈ సందర్భంగా ప్రొద్దుటూరు ప్రెస్ క్లబ్ నందు ఏర్పాటు చేసిన పాత్రికేయుల సమావేశంలో ఆయన మాట్లాడుతూ, జాయింట్ ఫర్ డెవలప్మెంట్ వ్యవస్థాపకులు జేడీ లక్ష్మీనారాయణ ఆదేశానుసారం తమ ట్రస్ట్ ఆధ్వర్యంలో ప్రతి సంవత్సరం లాగే ఈ సంవత్సరం కూడా పట్టణంలోని టీబి రోడ్డు విజయ్ కుమార్ హాలు వద్ద 17వ తేదీ సాయంత్రం 4 గంటల 30 నిమిషాలకు వేయి మట్టి విగ్రహాలు పంపిణీ చేయనున్నట్లు ఆయన తెలిపారు. పర్యావరణ కాలుష్య నివారణంలో ప్రతి ఒక్కరూ భాగం కావాలని ఆయన పిలుపునిచ్చారు. కార్యక్రమంలో ట్రస్ట్ సభ్యులు గుర్రప్ప శివాజీ పాల్గొన్నారు.