పులివెందులలో ఘోర రోడ్డు ప్రమాదం

వై.ఎస్.ఆర్ జిల్లా, పులివెందులలో ఘోర రోడ్డు ప్రమాదం జరిగింది. ఈ ప్రమాదంలో ఒక యువకుడు అక్కడికక్కడే మృతి చెందాడు. వివరాల్లోకి వెళ్తే కడప జిల్లా తొండూరు మండలం గోటూరు గ్రామానికి చెందిన సురేష్ కుమార్ రెడ్డి అనే యువకుడు వేముల మండలంలోని యురేనియం సంస్థలోని ఎస్ ఎం ఎస్ కంపెనీలోకి విదులకోసం ఇంటినుండి బయలుదేరాడు. మార్గమధ్యంలోని ఉలిమెళ్ల దాటి పులివెందుల రింగ్ రోడ్డుకు సమీపంలోకి రాగానే అతను ప్రయాణిస్తున్న హోండా యునికార్న్ వాహనాన్ని గుర్తు తెలియని వాహనం దీకొని దాదాపు 40 మీటర్లు బండితోపాటు లాక్కొని వెళ్ళింది.ఈ ఘటనలో సురేష్ కుమార్ రెడ్డి అక్కడికక్కడే మృతి చెందగా బైకు మొత్తం కాలి బూడిద అయ్యింది. మృతుడు సురేష్ కుమార్ రెడ్డి డి పుట్టిన రోజు కావడం విశేషం. పుట్టినరోజు నాదే చనిపోవడంతో తల్లిదండ్రులు, బంధువులు బోరున విలపిస్తున్నారు. గతంలో మృతిని సోదరుడు కూడా ట్రాక్టర్ ధీకొని మృతి చెందడం జరిగిందని బంధువులు చెబుతున్నారు. ఏది ఏమైనా మృతుడు సురేష్ కుమార్ రెడ్డి ఇంటితో పాటు గ్రామంలో విషాదం నెలకొంది.