ఆ వార్తలన్నీ అబద్ధం - నా ప్రతిష్ట కించపరడానికే - క్లారిటీ ఇచ్చిన మంగ్లీ!

ఆ వార్తలన్నీ అబద్ధం - నా ప్రతిష్ట కించపరడానికే - క్లారిటీ ఇచ్చిన మంగ్లీ!

ప్రముఖ గాయని మంగ్లీ కారుపై కర్ణాటకలో రాళ్ల దాడి జరిగిందని వచ్చిన వార్తలను ఖండించారు. తనపై ఎటువంటి దాడి జరగలేదని, అది తప్పుడు ప్రచారం అని అన్నారు. తన ప్రతిష్టను కించపరచటానికి ఇదంతా చేస్తున్నారని తెలిపారు. శనివారం రాత్రి బళ్లారిలో జరిగిన ఓ కార్యక్రమంలో నాపై దాడి జరిగిందని కొన్ని సోషల్ మీడియా గ్రూపులు ప్రచారం చేస్తున్న తప్పుడు వార్తలను నేను పూర్తిగా ఖండిస్తున్నాను. ఫోటోలు, వీడియోల నుండి మీరందరూ చూడగలిగే విధంగా ఈవెంట్ భారీ విజయాన్ని సాధించింది. అలాగే ఇది ఉత్తమ ఈవెంట్‌లలో ఒకటి. కన్నడ ప్రజలు నాపై కురిపించిన ప్రేమ, మద్దతు అపారమైనది. ఈవెంట్ లో నన్ను చాలా బాగా చూసుకున్నారు, ఇది మాటలలో వర్ణించలేనిది. ఇదంతా నా ప్రతిష్టను కించపరచడానికి చేస్తున్నారు. ఈ తప్పుడు ప్రచారాన్ని నేను ఖండిస్తున్నాను. మీ ప్రేమకు ఎప్పటికీ రుణపడి ఉంటాను.’ అని తన సోషల్ మీడియా ఖాతాల్లో మంగ్లీ పోస్ట్ చేశారు.