బొజ్జ గణపయ్య.. ఇక సెలవయ్య

మండల పరిధిలో కొన్నిచోట్ల..

భక్తిశ్రద్ధల మధ్య వినాయకుని నిమజ్జనం.

పటిష్ట బందోబస్తు ఏర్పాటు చేసిన రెవెన్యూ పోలీస్ యంత్రాంగం.

ఆది దేవుడు గణపతి పండుగ " వినాయక చవితి" సందర్భంగా.. మండల పరిధిలోని అన్ని గ్రామాలలో స్వామి వారు కొలువు తీరగా మూడురోజులుగా ప్రజలందరూ పెద్ద ఎత్తున ఆ బొజ్జ గణపయ్యకు పూజలను అందించగా.. ఈ రోజున నిమజ్జన వేడుకలను మండల పరిధిలోని కొన్ని గ్రామాలలో ఆయా గ్రామ ప్రజలందరూ కలిసి భక్తిశ్రద్ధలతో కార్యక్రమాన్ని చేపట్టారు.

మండల రెవెన్యూ,పోలీస్ యంత్రాంగం పటిష్ట చర్యలు: కాగా నిమజ్జన కార్యక్రమంలో ఎలాంటి ప్రమాద సంఘటనలు తలెత్తకుండా మండల తాసిల్దార్ మురళీకృష్ణ,ఎస్సై వెంకటేశ్వర్లు ఆధ్వర్యంలో తమ సిబ్బందితో కలిసి పటిష్ట పహారా ను నిర్వహించి నిమజ్జనానికి వచ్చిన భక్తులందరికీ జాగ్రత్తలు తెలుపుతూ చర్యలు తీసుకున్నారు.

ఈ కార్యక్రమంలో గ్రామ ప్రతినిధులు, ప్రజలు, యువత,మహిళలు,పిల్లలు, పెద్ద ఎత్తున పాల్గొని తమ భక్తిని చాటుకున్నారు.